ESQUERDA UNIDA PIDE A PUBLICACIÓN DE TODA A DOCUMENTACIÓN POR PARTE DO CONCELLO E PUBLICA OS INFORMES DA XUNTA RELATIVOS AO PXOM

Esquerda Unida volve a censurar a falta de transparencia. Nos últimos días, e por declaracións tanto do PSOE como de UCN, da a impresión que hai moitas persoas coñecedoras da documentación do PXOM, a pesar de non ser público, polo que Esquerda Unida esixe ao Concello que sexan publicados todos os documentos relativos ao PXOM.

Tamén insta aos coñecedores dos documentos a que fagan unha difusión total da información que obra no seu poder, xa que até agora, so se está dando a coñecer parcialmente a documentación relativa ao PXOM.

Pola súa parte Esquerda Unida vai a publicar na súa páxina os informes da Xunta relativos ao PXOM de Nigrán, nos, que a falta dun analise pormenorizado,  se destaca o profundo cambio que vaia a ter que facerse no plan actual, así como os númerosos erros e baixa calidade de parte da documentación. Dita publicación a fará en eunigran.wordpress.com .

Máis ala de falsas polemicas Esquerda Unida se pregunta quen se beneficia de certas reclasificaccións de solo urbano, que nunha primeira vista chocan, dado que non corresponden a un crecemento concentrico dos actuais tramas urbanas.

Para calquera contacto con Esquerda Unida, o seu correo é:

eu-nigran@esquerdaunida.org

Informe de coherencia coas Diretrices de Ordenación do Territorio eo Plan de Ordenación do litoral.

Informe previo á aprobación do PXOM, emitido pola Xunta de Galicia.

ESQUERDA UNIDA SOLICITA QUE SE IMPLANTE A ADMINSTRACIÓN ELECTRONICA NO CONCELLO DE NIGRÁN

Esquerda Unida, mediante dúas mocións presentadas solicita que se asinen sendos convenios para  que se inclua ao concello Nigrán no Sistema Único de Rexistro, se desenvolva a Administración Electrónica e se habilite o rexistro local de Nigrán para comunicacións dirixidas á Administración Xeral do Estado.

 Esquerda Unida lembra que a pesar de que o alcalde afirmou no pleno do concello celebrado o día 26 de xaneiro de este ano que o concello esta adscrito ao portelo único, o concello de Nigrán non figura entre os concellos que teñen o convenio asinado, segundo a información obtida na Xunta de Galicia (http://www.eidolocal.es/portal/eConcellos/plan_econcellos/Convenio-eAdministracion.html).

Todo ísto a pesar de que o Concello de Nigrán leva gastado nos últimos anos miles de euros na implantación da administración electrónica.

 Dito convenio de colaboración entre a Xunta de Galicia e a Fegamp para o desenvolvemento da administración electrónica nas entidades locais da Comunidade autónoma de Galicia, favorece un novo modelo de relación entre as administracións públicas e os cidadáns, máis fluídas e frutíferas, baseadas na vocación cooperativa de apoio aos concellos. Esta aposta pola eAdministracións enmárcase nunha estratexia que pasa polo uso intensivo das novas tecnoloxías como instrumento de dinamización social e económica. Con vixencia ata decembro do 2013, o acordo garantirá por parte da Administración Autonómica a prestación do sistema de rexistro e información de todos os escritos e comunicacións destinados aos concellos. Este sistema permite a presentación ou remisión da solicitude, escrito ou comunicación, a través de medios electrónicos durante as vinte e catro horas de todos os días do ano.

 Tamén solicita que se asine un convenio coa administración do estado para a habilitación do rexistro local do Concello de Nigrán, para que á cidadanía poidera presentar solicitudes, escritos e comunicacions dirixidas á Administración Xeral do Estado.

ESQUERDA UNIDA CENSURA O ESPECTÁCULO QUE DAN O PP E

Esquerda Unida censura a falta de transparencia e o espectáculo que está dando o Partido Popular e o PSOE, no tema do PXOM e solicita tanto ao Alcalde como ao PSOE que deixen de facer unha utilización política da súa tramitación. Para Esquerda Unida son incomprensíbeis as posturas do PSOE e o PP respecto ao PXOM, xa que estas non varían dende fai anos. Simplemente intercambian os seus papeis segundo estean no goberno ou a oposición. Isto axuda a empeorar a imaxe desfavorable que se ten do concello de Nigrán en relación coa especulación urbanística.

Nos últimos días, e por declaracións tanto do PSOE como de UCN, da a impresión que hai moitas persoas coñecedoras da documentación do PXOM, a pesar de non ser público, polo que Esquerda Unida esixe ao Concello que sexan  publicados todos os documentos relativos ao PXOM, e non só se informe deles aos grupos municipais e membros do Consello Sectorial.

Tamén insta aos coñecedores dos documentos a que fagan unha difusión total da información que obra no seu poder, xa que até agora, so se está dando a coñecer parcialmente a documentación relativa ao PXOM.

Esquerda Unida dubida que dende a toma de posesión do actual alcalde até a entrada do documento por rexistro, no que pasaron menos de dous meses se puidera modificar substancialmente o PXOM tal como di o PSOE, polo que tamén empraza ao PSOE a que publique o Plan que segundo eles é tan diferente.

Por último, Esquerda Unida solicitará a creación dunha comisión de investigación, relativa a tramitación no PXOM, na que saia a relucir toda a verdade.

ESQUERDA UNIDA DENUNCIA QUE NON COMEZARON AS OBRAS DO CENTRO DE SAÚDE DE PANXÓN

Esquerda Unida lembra que a día de hoxe tiñan que estar empezadas as obras do Centro de Saúde de Panxón, non téndose noticias de cando empezarán, nin sequera cando se licitarán.

Segundo Esquerda Unida no acordo do pleno do concello de 29 de outono de 2008 polo que se establecíase un prazo de un ano para iniciar as obras e tres para rematalas. Dito prazo foi actualizado por acordo do pleno do Concello de Nigrán o día 30 de marzo de 2011, referíndose a dita data, polo que o 30 de marzo de 2012 tiñan que estar empezadas as obras de construción do Centro de Saúde.

Lembra Esquerda Unida que o SERGAS, que no ano 2006 se licitou a redacción do proxecto básico e que xa solicitou a licenza para a súa construción 23 de outubro de 2010, pasando case 18 meses sen comezar as obras. Consideramos que os sucesivos anuncios realizados polas diferentes conselleiras de Sanidade do inmediato comezo das obras son unha tomadura de pelo á cidadanía, xa, que como denunciou Esquerda Unida, non van acompañados de dotación orzamentaria, polo que esixe que se liciten as obras dunha vez. Estes anuncios empezaron coa Conselleira de Sanidade do goberno PSOE-BNG e continuaron co goberno do PP.

Esquerda Unida oponse a licitación das obras que pretende facer o SERGAS, mediante a modalidade de concesión de obra pública, como se fixo co Novo Hospital de Vigo, por ser unha dilapidación do diñeiro público ao ter a obra uns gastos financeiros moito maiores. Estes gastos poden chegar a un 18%, mentres que por construción directa non pasarían do 5%. Este tipo de modalidade tamén implicaría que o aparcamento subterráneo ou en superficie que o alcalde de Nigrán solicitoulle á Conselleira Dª Pilar Farjas para que se solucionen as carencias nesa materia que contén o actual proxecto de Centro de Saúde, sería de pago para a cidadanía, como vai a ocorrer no Novo Hospital De Vigo e como non ocorre no Centro de Saúde de A Xunqueira. Tampouco neste caso a xestión do centro de saúde será 100% pública, tal como se comprometeu a Conselleira Pilar Farjas en outubro de 2010.

Esta modalidade de contratación significa que unha empresa privada vai a explotar o Centro de Saúde e o aparcamento, construídos nun solar cedido gratuitamente polo concello, tal como se indica na lei de contratos do sector público. Tamén implica que vai a ser una empresa privada a que deberá coidar da adecuada aplicación das normas sobre uso e policía do Centro de Saúde

Para Esquerda Unida tamén é responsable de que isto ocorra o anterior goberno municipal, xa que no acordo de cesión non incluíu que o uso sanitario da parcela fora 100% público.

Esquerda Unida considera que este abandono nos servizos públicos de Nigrán, ao que se une a retirada parcial da ambulancia de Sabarís, corresponde a un plan de deterioro da sanidade pública para poder xustificar a súa posterior privatización e introdución de medidas como o repago.

 

ESQUERDA UNIDA DE NIGRÁN SOLICITA DO CONCELLO QUE PROMOVA O USO DA BICICLETA

Esquerda Unida de Nigrán  promove o emprego da bicicleta como forma de transporte, para cooperar na consecución dunha mobilidade sostible.

Para elo Esquerda Unida presentou tres mocións potenciadoras do emprego de bicicletas:  i) instalación de aparcamentos para bicicletas nos lugares onde é previsible que se usen, ii) creación dun Servizo de Préstamo de Bicicletas e iii) se doten dotación de infraestruturas viarias para o fomento do uso da bicicleta, en concreto que se solicite á Xunta de Galicia  a construcción dun carril bici na estrada PO-340 entre A Ramallosa e Gondomar.

Esquerda Unida considera que o transporte público, a peatonalización das rúas e o uso da bicicleta, son medidas que hai que promover para conseguir unha mobilidade sostible e con menores niveis de contaminación atmosférica e acústica. A bicicleta é unha forma de transporte saudable para o ciclista, e para o entorno porque é respetuosa có medioambiente, non contamina e ademáis non  xenera problemas de aparcamento. É tamén a forma de transporte máis económica, porque non supón gasto  en combustible.

Por outra parte, sendo Nigrán un municipio eminentemente turístico, no que numerosos persoas veñen a gozar do seu tempo libre , o paseo en bicicleta constituye unha boa alternativa de ocio familiar.  Por elo, a aprobación de ditas mocións serviría tamén para promocionar turísticamente o concello de Nigrán e xerar emprego.

Esquerda Unida solidarízase cos mariñeiros de Panxón.

Esquerda Unida de Nigrán solidarízase cos mariñeiros ante a intención do Alcalde e Portos de Galicia de dificultarlles a realización da súa actividade laboral, para instaurar unha liña de pasaxeiros.

 Lembramos que a actividade profesional pesqueira é o sustento económico de decenas de familias de Nigrán, e que se está poñendo en perigo para a realización de soños do actual alcalde. Aínda que non nos opoñemos a existencia dunha liña de pasaxeiros de Nigrán a Cíes, sempre e cando non prexudique a actividade pesqueira dos mariñeiros de Panxón, dubidamos que esta sexa rendible. Opoñémonos a que se creen liñas deficitarias con subvencións a uns poucos turistas-usuarios que paga toda a cidadanía, como ocorre con moitas conexións aéreas.

 O actual porto de Panxón ten unha zona de uso exclusivo pesqueiro da que forma parte o dique no que se pretende realizar o desembarque e embarque de pasaxeiros, botando fora aos mariñeiros mediante cartéis amenazadores.  Ditas actuacións lembran prácticas caciquiles que coa democracia e o estado de dereito deberían estar superadas,  mais parece que volven a renacer cós  gobernos do Partido Popular.

ORZAMENTOS DO CONCELLO DE NIGRÁN ANO 2012

1. INTRODUCIÓN

 Esquerda Unida de Nigrán presentouse ás eleccións municipais no Concello de Nigrán nas pasadas eleccións municipais. Esquerda Unida non acadou representación nesas eleccións, pero tal como nos comprometemos, iamos a tratar de levar o noso programa á realidade. Un dos seus principias puntos do programa electoral era a transparencia na administración.

             Recentemente se expuso a información pública as contas do Concello de Nigrán do ano 2010, e dende o día 29 de decembro de 2011 están expostos a información pública os orzamentos do ano2012. Arealidade é que o Concello só abre pola maña e que para coñecer os orzamentos ou as contas durante os períodos de exposición pública hai que ir ao Concello, onde as deixan para que a cidadanía as examine ou lle saque fotocopias. Isto supón unha carga e un custe para a cidadanía que dificulta ter acceso a información de cómo se gasta o seu diñeiro.

Esquerda Unida vai a presentar unha reclamación aos orzamentos, ao igual que poden facer todos os cidadaáns. Dita reclamación se presentará no Concello o luns 16, e se publicará neste BLOG, posteriormente. 

 É por todo isto polo que tomamos a decisión de publicar os orzamentos do ano 2012, comparándoas coas contas do concello de Nigrán do ano 2010, na páxina eunigran.wordpress.com.

 ¿QUE SON AS CONTAS ANUAIS E OS ORZAMENTOS?

VALORACIÓN XERAL DOS ORZAMENTOS DO CONCELLO DE NIGRÁN

OS ORZAMENTOS DE NIGRÁN OS PRESENTAMOS NOS SEGUINTES DOCUMENTOS:

ORZAMENTO 2012 DETALLADO

ORZAMENTO 2012 POR AREA DE GASTO

ORZAMENTO 2012 POR CAPITULOS

ORZAMENTO 2012 POR POLITICA DE GASTO

ORZAMENTO 2012 POR PROGRAMAS

ORZAMENTO  2012 POR INGRESOS

ESQUERDA UNIDA EXPLICA OS ORZAMENTOS DE NIGRÁN DO ANO 2012

Nun acto público que se vai a celebrar o venres 13 as 20:00, no C.R.C. O Torreiro de Priegue Esquerda Unida explicará, a pesar de non ter representación, os orzamentos de Nigrán do ano 2012.

Nese acto tamén se explicarán que son e en que consisten uns orzamentos municipais, así como a valoración que facemos.

            Tanto os orzamentos detallados, como a valoración se farán públicos neste BLOG, a partir do sábado 14.

ESQUERDA UNIDA DE NIGRÁN PRESENTA RECLAMACIÓN CONTRA AS SUBIDAS DE TAXAS E IMPOSTOS, POR SER INXUSTOS SOCIALMENTE E CONTER ERRORES NA SUA MOTIVACIÓN

ESQUERDA UNIDA presenta unha reclamación á modificación das ordenanzas fiscais que propón o Alcalde por ser inxustos socialmente, xa que numerosas de ditas modificacións  gravan máis aos cidadáns que teñen menos recursos.

ESQUERDA UNIDA, tamén considera que as propostas están fundamentadas erroneamente, xa que nelas se di que o plan de saneamento do Concello de Nigrán  prevé incrementar os tipos tributarios nos anos 2012 ao 2015 nun 3%, cando en realidade o que consigna á un aumento dos ingresos nun 3%,  medidas que son claramente diferentes.

Na súa reclamación EU pide que se anulen todas as modificacións propostas. Non obstante, en caso de que non se acepte a anulación das ordenanzas, EU pide que se introduzan emendas para combater a especulación, favorecer o medio ambiente e a contratación indefinida de traballadores.

EU considera que non se combate a especulación cando se sube menos o imposto de plusvalía aos inmobles que tardan menos en venderse, os que normalmente perteñecen a especuladores. Tampouco é xusto que as vivendas pequenas sufran un aumento maior nas taxas por licenza urbanística.

No caso das tarifas do abastecemento de augas, o sistema de pago aunque non se consuma favorece o despilfarro e é insostible dende o punto de vista medioambiental.

Respecto ao imposto sobre bens inmobles, onde a subida é de un 4% máis as actualizacións do IPC, EU solicita en caso necesario se graven máis as vivendas baleiras.

ACTIVIDADE DE ESQUERDA UNIDA NO CONCELLO DE NIGRÁN

Nestes últimos meses Esquerda Unida de Nigrán presentou unha moción ao concello sobre a situación da Seguridade Víal, que entre outras cousas pedía que se dotara de beirarrúas aos accesos ao Centro de Saúde da Xunqueira e ao IES Proval, se sinalizara a limitación de velocidade en Pracíns (Chandebrito), etc.

Tamén envíamos unha nota de prensa denunciando a inexistencia de partidas nos orzamentos da Xunta de Galicia para a construcción do Centro de Saúde de Panxón. A pesar diso, novamente se volveu a anunciar (e vai a segunda) a construcción do Centro de Sáude de Panxón.