O carril bici Vigo-Baiona non existe ao seu paso por Nigrán, constituindo un grave perigo para ciclistas, peóns e incluso vehículos a motor

As organizacións EQUO Pontevedra e Esquerda Unida de Nigrán denunciamos que o proxecto de seguridade viaria da estrada PO-325 é un proxecto inxusto e inseguro, especialmente no treito de Nigrán, P.Q. 8+650 ao P.Q, 15+790. Supostamente pretende é dotar de seguridade a un vial onde conviven a diario vehículos a motor, persoas en bicicleta, peóns e incluso persoas con diversidade funcional que precisan de outros medios para poder desprazarse, sen embargo, estase a priorizar aos vehículos a motor sobre aqueles máis febles. Así, nesta obra déixanse sen atender as demandas das persoas que escollen a bicicleta ben como medio de transporte, ou ben como ferramenta para facer deporte. Tampouco atenden as necesidades das persoas que nos seus desprazamentos cotidiais precisan facer uso desta vía en bicicleta e que esixen a maior protección para o seu tránsito diario mais seguro.

A situación é especialmente grave no chamado “Bulevard de Praia América”, onde se prioriza o acondicionamento de prazas de aparcamento sobre ás persoas que usan a diario este vial para desprazarse en bicicleta, pasando a ter que convivir cos vehículos a motor nunha rúa de sete metros de ancho para dous sentidos de circulación, flanqueada de bordillos e con varios cambios de sentido nunha recta con escasa visibilidade debido a conxestión do tráfico que acumula.Como é un proxecto de “seguridade viaria” en ningures se menciona a inseguridade que vai ter esta rolda de Praia América na que se estreitan os carrís, onde se van por xardineiras nas beiras da via principal e non se vai ter en conta a cantidade de persoas usuarias de bicicleta que usan esta vía a diario e moito máis o fin de semana.

Queremos denunciar tamén que o proxecto contempla unha actuación ata o P.Q. 15+790, pero que segundo o transcurso da obra parece que vai rematar no P.Q. 14+700 deixando un quilómetro sen dotar de seguridade viaria e deixando 300 metros sen unha conexión fundamental o paseo peatonal e o carril bici que vai dende a Foz (P.Q. 15) ata A Ramallosa e que continua ata Baiona.

Cremos tamén que un proxecto de seguridade viaria debería incluir unha rotonda no cruce que hai no P.Q. 14+700 e que na actualidade está regulado por semáforos para xestionar seis sentidos de circulación.

Dende EQUO e EU esiximos unha reordenación real da obra para poder dotar dunha maior seguridade tanto a vehículos a motor, como a persoas en bicicleta, peóns e incluso persoas con diversidade funcional que precisan de outros medios para poder desprazarse, sinalizando e poñendo os pertinentes elementos de sguridade para protexer os máis vulnerables que adoitan ser as primeiras víctimas de calquera accidente que se rexistra na rede viaria.

Por outra parte lembramos que segundo a normativa vixente no momento da redacción do proxecto, este debe incluír todos os datos de seguridade viaria que xustifiquen o trazado, as características e o proceso construtivo elixido. Eva Solla, deputada de Alternativa Galega de Esquerda, a iniciativa de Esquerda Unida e EQUO, ben de solicitar no Parlamento o proxecto da obra, as modificacións sobre o mesmo e todos os datos de seguridade viaria que xustifiquen o trazado, as características e o proceso construtivo elixido, incluidos nos anexos da memoria do proxecto da obra. 

O carril bici e a nova lei de estradas

Ante a iniciativa do Goberno da Xunta de sacar adiante unha nova lei de estradas, na que non se facía ningunha referencia á necesidade da existencia de carrís bicis nas estradas de Galicia, Alternativa Galega de Esquerda, AGE, presentou unha emenda a dita lei para que se doten de carrís bicis as estradas de nova construción, ou que sexan reformadas.

Por outra banda, ante a situación que se vive na estrada PO-325 entre Vigo e Baiona, onde a Xunta de Galicia asegura que se está a construír un carril bici, cunhas características técnicas que garanten a circulación en bicicleta con seguridade, Alternativa Galega de Esquerda pide que se regulen explícitamente as condicións que debe reunir un carril bici, tanto nas súas dimensións como mediante a integración do sistema de sinalización, para a que a circulación por estes carrís sexa segura, tanto para os ciclistas como para os peóns. Para Esquerda Unida, membro de AGE, o actual carril bici en construcción non serve para os ciclistas. Este non está preparado para que por el circulen grupos de ciclistas, aínda que circulen nunha soa fila. Os continuos obstáculos que invaden o carril, os badéns laterais, o estreitamento excesivo ou a non integración do mesmo no sistema de sinalización vial o fan perigosísimo. De feito o carril bici desaparece repentinamente en varios puntos. Esta iniciativa de AGE únese a que tivo Esquerda Unida de Nigrán a nivel municipal no ano 2011 no que presentou 3 mocións potenciadoras do emprego de bicicletas: i) instalación de aparcamentos para bicicletas nos lugares onde é previsible que se usen, ii) creación dun Servizo de Préstamo de Bicicletas e iii) dotación de infraestruturas viarias para o fomento do uso da bicicleta, en concreto que se solicite á Xunta de Galicia a construción dun carril bici na estrada PO-340 entre A Ramallosa e Gondomar. É tamén continuación da defensa por un transporte sustentable, iniciada hai uns meses tras o aviso, por parte empresa concesionaria, de diminuir significativamente o servicio de autobús.

Por último as agrupacións de Esquerda Unida do Val Miñor e de Vigo, van a poñerse en contacto con todos os colectivos e persoas a título individual, que podan verse afectados polo uso da bicicleta, e en particular co carril bici da estrada para buscar posíbeis solucións.

A %d blogueros les gusta esto: